Մեր մասին
«Օյունջյան» բարեգործական հիմնադրամի հիմնադիրն է ազգային բարերար,
նյույորքաբնակ պոլսահայ բժիշկ Հովհաննես (Ջոն) Օյունջյանը:
Դեռ 1999-ին նրա նախաձեռնությամբ Նյու Յորքում ստեղծվել էր «Ջոն Օյունջյան»
հիմնադրամը (տնօրեն՝ Սիմոն-Եզնիկ Բալյան): Նպատակը մեկն էր. մայր հայրենիքում՝
Հայաստանի Հանրապետությունում, ծավալել կրթական-բարեսիրական գործունեություն՝ ի շահ
հայ նորահաս սերունդների բազմակողմանի դաստիարակության: Վերջինիս առանցքը, ըստ
բարերարի, լինելու էր նախ և առաջ գեղարվեստական-մշակութային կրթությունը։
Մեր հիմնադրամի պատմությունը
«Օյունջյան» բարեգործական հիմնադրամը հիմնադրվել է Հովհաննես Օյունջյանի կողմից 1998 թվականի գրեթե առաջին իսկ օրերից՝ մատուցելով կրթական ծառայություններ Գյումրիում:
Կրթական կենտրոնների ստեղծման պատմություն
Հիմնադրամը ստեղծեց «Օյունջյան» վարժարանը, «Վարդուհի» արվեստի դպրոցը և «Աղավնի» արհեստի կենտրոնը, որոնք նպաստում են որակյալ կրթության և հայեցի դաստիարակության իրականացմանը, ապահովելով հասանելիություն յուրաքանչյուր երեխայի համար:
Մեր նպատակներն ու արժեքները
Մենք հավատում ենք, որ բարձրակարգ կրթությունն ու մշակութային արժեքները կարող են փոխել կյանքի որակը և ստեղծել կայուն հասարակություն: